Камісія па пытаньнях Статута

Абгрунтаваньне і мэта: Камісія неабходна для ўрэгуляваньня канфліктаў пры спрэчных трактоўках дакумэнтаў Каардынацыйнай Рады.

Задачы:

1. праверка па запыце прапаноў на галасаваньні ў Каардынацыйнай Радзе;
2. тлумачэньне пунктаў Статута і іншых дакументаў Каардынацыйнай Рады;
3. збор прапановаў зьменаў у Статут і іншыя дакументы Каардынацыйнай Рады.

Профіль: зьмешаны, пастаянная.

Тэрмін: да канца кадэнцыі Каардынацыйнай Рады ІІІ скліканьня.

Права на вядзеньне вонкавай і ўнутранай перапісцы.

Справаздача: першае Агульнае Паседжаньне кожнага квартала.

Выключныя паўнамоцтвы Камісіі па пытаньнях Статута й іншых унутраных дакумэнтах Каардынацыйнай Рады:

1. Правяраць на прадмет адпаведнасьці Статуту праекты нарматыўна-прававых актаў, якія распрацаваны іншымі органамі і сябрамі Каардынацыйнай Рады па іх запыце.
2. Акумуляваць, абмяркоўваць і фармуляваць прапановы па зьмяненьні і дапаўненьні Статута і іншых дакумэнтаў Каардынацыйнай рады.
3. Прымаць заключэньні аб тлумачэньні палажэньняў Статута або іншых нарматыўна-прававых актаў Каардынацыйнай Рады па запытах кіруючых органаў, камісіяў і фракцыяў Каардынацыйнай Рады.
4. Прымаць заключэньні па сытуацыях, якія патрабуюць экспэртызы на адпаведнасьць нарматыўна-прававым актам Каардынацыйнай Рады па запытах кіруючых органаў, камісіяў і фракцыяў Каардынацыйнай Рады.

‍