Сёння, у Дзень правоў чалавека Каардынацыйная рада выказвае падзяку ўсім праваабаронцам, якія, нягледзячы на шматгадовы ціск, працягваюць абараняць правы людзей у Беларусі.

Дзякуй вам за прынцыповасць, адвагу, прафесіяналізм і самааддачу. 

10 снежня 1948 года Генеральная Асамблея ААН прыняла важны гістарычны дакумент, што абвяшчае неад’емныя правы, уласцівыя кожнаму чалавеку незалежна ад яго расы, пола, рэлігіі, перакананняў і паходжання.

Давайце сёння падзякуем у сацыяльных сетках праваабаронцаў «Вясны», Беларускага Хельсінскага Камітэта, Прававой ініцыятывы, Human Constanta, Цэнтра прававой інфармацыі, Офіса па правах людзей з інваліднасцю, «Яе права» і іншых беларускіх праваабарончых арганізацый і ініцыятыў за іх штодзённую працу. 

І не забудзьцеся на падтрымку людзей, якім сацыяльныя сеткі цяпер не даступныя – палітзняволеных праваабаронцаў. Адрасы – на politzek.me.

  • Уладзімір Лабковіч
  • Алесь Бяляцкий
  • Таццяна Ласіца
  • Марфа Рабкова
  • Валянцін Стэфановіч
  • Леанід Судаленка
  • Андрэй Чапюк

Яшчэ навіны

Падзяліцца