Дапамога

Рух Большасці — гэта ініцыятыва Каардынацыйнай Рады, якая прапануе эфектыўна і законна выразіць сваю грамадзянскую пазіцыю. Кожны беларус і беларуска могуць здзейсніць прапанаваныя крокі, каб разам і штодня рухацца да агульнай мэты, якая аб’яднала большасць.

Ініцыятыва ZUBR.life была створаная камандай ZUBR для дапамогі людзям, якія аказаліся ў цяжкім становішчы ў сувязі са сваёй грамадзянскай пазіцыяй. Інтэрактыўная карта адлюстроўвае запыты аб дапамозе і прапановы аб дапамозе ад прыватных і фізічных асоб.

Аўтары праекта прапануюць зацікаўленым грамадзянам зарэгістравацца на спецыяльнай анлайн-платформе, каб сумесна абмяркоўваць і рэалізоўваць ідэі паляпшэння жыцця ў краіне.

– Формы пратэсту, спосабы ўзаемадапамогі, шляхі барацьбы з гвалтам і барацьба з прапагандай – выберыце гарачую тэму ці прапануйце сваю. Распавядзіце аб ідэі тым, хто хоча дапамагчы яе рэалізаваць. Далучайцеся, каб вашай экспертызай і ініцыятыўнасцю паскорыць новыя карысныя праекты, – прапануюць аўтары. – Нам дапамагаюць тэхналогіі і безумоўная падтрымка адно аднаго.

Платформа «Голас» была створаная беларускімі праграмістамі для кантролю за сумленнасцю выбараў і альтэрнатыўнага падліку галасоў.

Пасля доказу фальсіфікацый на выбарах мы пашырылі функцыі платформы, каб яна дазваляла падлічваць колькасць людзей, якія выходзяць на мірны протест. У дадатак да гэтага платформа ўзаемадзейнічае з Каардынацыйнай Радай для атрымання меркавання беларусаў аб прынятых Радай рашэннях.

Пошукавік для знаходжання дэпутата ад сваёй акругі, якому можна будзе даслаць зварот, у якім мы просім абараніць нашыя правы і правесці праверку па шматлікіх парушэннях у працы выбарчых камісій.

Дапамагае вызначыць, ці звязаная кампанія-вытворца таго ці іншага тавару з дзеючым прэзідэнтам Аляксандрам Лукашэнкам або з дзяржаўнымі кампаніямі, якія ажыццяўляюць ціск на супрацоўнікаў з прычыны іх удзелу ў пратэстах.