Працоўная група «Хрысціянскае бачанне» пры Каардынацыйнай Радзе і ініцыятыва «Народнае апытанне» праводзяць даследаванне, каб высветліць, як беларусы ставяцца да рэакцыі царквы на беззаконне і гвалт у Беларусі.
«Мы хочам вывучыць стан царкоўнай супольнасці і інстытутаў у бягучым палітычным крызісе. Мы назіраем, што ёсць даволі высокі запыт на рэакцыю царкоўных інстытуцый на тое, што адбываецца ў Беларусі, — асуджэнне гвалту, беззаконня і тэрору», — каментуе працоўная група «Хрысціянскае бачанне».
Пасля завяршэння апытання будзе падрыхтаваная аналітыка, якая сярод іншых вынікаў пакажа, ці задаволены беларусы рэакцыяй царкоўных лідараў у цяперашняй сітуацыі ў краіне; якой, на думку грамадзянаў, павінна быць афіцыйная пазіцыя царквы падчас палітычнага крызісу; які адсотак апытаных задумваўся пра пераход у іншую канфесію за апошнія паўгода.
Апытанне можна прайсці ананімна ў Viber.
