Статут (Рэгламент) Каардынацыйнай рады Беларусі. Рэдакцыя зацверджаная па выніках галасавання Каардынацыйнай рады 8 ліпеня 2024 года 

Прэамбула 

Статут Каардынацыйнай рады Беларусі (далей Статут ці Рэгламент) распрацаваны ў адпаведнасці з агульнымі прынцыпамі права і дэмакратычнымі асновамі фарміравання і дзейнасці грамадска-палітычных органаў, якія рэпрэзентуюць грамадзянскую супольнасць. 

Статут Каардынацыйнай рады рэгулюе адносіны дэлегатаў паміж сабой у частках, якія не супярэчаць агульным прынцыпам права і прызнаным міжнародным стандартам. Гэты Статут рэгулюе пытанні арганізацыі дзейнасці ўсёй Каардынацыйнай рады, яе структурных падраздзяленняў і дэлегатаў, а таксама іх узаемадзеянне з іншымі грамадзянскімі ініцыятывамі, грамадскімі аб’яднаннямі, палітычнымі суб’ектамі, органамі дзяржаўнага кіравання, прадстаўнікамі замежных дзяржаў і міжнароднымі партнёрамі. 

Сапраўдны Статут мае на мэце рэалізацыю права і магчымасці кожнага грамадзяніна Беларусі браць удзел у дзяржаўных справах без неабгрунтаваных абмежаванняў праз свабодна выбраных прадстаўнікоў. Ён уключае ажыццяўленне палітычнай і грамадзянскай дзейнасці, накіраванай на стварэнне незалежнай дэмакратычнай Беларусі ў адпаведнасці з асноўнымі прынцыпамі канстытуцыяналізму. 

Дзеянне гэтага Статута распаўсюджваецца на кожнага дэлегата Каардынацыйнай рады і афіляваныя з ёй структуры ў адпаведнасці з рэгламентавальнымі і іншымі дакументамі Каардынацыйнай рады. 

Тэрміны, што адносяцца да фізічных асоб, ужываюцца да кожнай персоны, незалежна ад полу і гендарнай ідэнтычнасці, калі іншае не вызначана гэтым Рэгламентам. Кожны тэрмін у адзіночным ліку ўжываецца таксама і да множнага ліку, і наадварот. Выкарыстанне злучніка “і” можа мець значэнне “ці”, і наадварот. 

Каардынацыйная рада ўтворана 14 жніўня 2020 года па ініцыятыве Святланы Ціханоўскай як асамблея аўтарытэтных прадстаўнікоў розных груп беларускага грамадства. Яе мэта — пошук рашэнняў для пераадолення палітычнага крызісу ў Беларусі і забеспячэнне згоды ў грамадстве (1-ы склад). 

‍

1. Каардынацыйная рада, яе мэты і віды дзейнасці 

1.1. Каардынацыйная рада – гэта калектыўны прадстаўнічы орган дэмакратычнай часткі беларускага грамадства для вядзення дзейнасці, азначанай у сапраўдным Статуце, дзеля ўстанаўлення ў Рэспубліцы Беларусь дэмакратычнай формы кіравання, заснаванай на прыярытэце неад'емных і сусветна прызнаных правоў чалавека і вяршэнства права, захавання суверэнітэту і незалежнасці Рэспублікі Беларусь. 

1.1.1. Каардынацыйная рада складаецца з 80 дэлегатаў, якія абіраюцца тэрмінам на два гады на аснове ўсеагульнага, свабоднага, роўнага і прамога выбарчага права пры таемным галасаванні. 

1.1.2. Дэлегатам Каардынацыйнай рады можа быць грамадзянін Рэспублікі Беларусь, які валодае правам абірацца. 

1.1.3. Выбары дэлегатаў Каардынацыйнай рады праводзяцца на аснове прапарцыйнай выбарчай сістэмы. 

1.1.4. Тэрмін паўнамоцтваў дэлегатаў Каардынацыйнай рады пачынаецца з дня першага пасяджэння новаабранага складу. З пачаткам гэтага пасяджэння заканчваецца тэрмін паўнамоцтваў дэлегатаў папярэдняга складу 

Каардынацыйнай рады. 

1.2. Каардынацыйная рада ажыццяўляе любую дзейнасць, якая адпавядае характару прадстаўнічага органа беларускай грамадзянскай супольнасці і дэмакратычных сіл і не забаронена гэтым Рэгламентам, у тым ліку: 

1.2.1. абмеркаванне важных для грамадства тэм, датычных усяго беларускага грамадства, уключаючы пытанні мірнага трансферу ўлады ў Беларусі, аднаўлення дэмакратычнай формы дзяржаўнага кіравання, рознабаковай ацэнкі сітуацыі ў краіне і дзеянняў органаў дзяржаўнай улады, у прыватнасці: 

1.2.1. правядзенне адкрытых і закрытых слуханняў, асамблей, тэматычных сесій для выяўлення думак і пазіцый грамадзянаў Рэспублікі Беларусь (іх аб’яднанняў) па любых значных пытаннях; 

1.2.1.2. разгляд, абмеркаванне, узгадненне і зацвярджэнне значных для грамадства пытанняў, што закранаюць інтарэсы беларускага грамадства, палітычных і грамадскіх суб'ектаў, 

1.2.1.3. атрыманне інфармацыі ад беларускіх грамадскіх і палітычных лідараў, ініцыятыў і арганізацый беларускіх дэмакратычных сіл і грамадзянскай супольнасці; 

1.2.1.4. атрыманне інфармацыі ад розных міжнародных і замежных структур, інстытутаў, органаў дзяржаўнага кіравання. 

1.2.2. Узаемадзеянне з любымі палітычнымі і грамадскімі суб'ектамі Беларусі, уключаючы: 

1.2.2. 1. распрацоўку, абмеркаванне і зацвярджэнне стратэгічных 

прапаноў для Аб'яднанага пераходнага кабінета і іншых грамадскіх і палітычных суб'ектаў беларускага дэмакратычнага руху, у адпаведнасці з палажэннямі Мемарандума аб узаемадзеянні; 

1.2.2.2. правядзенне адкрытых і закрытых слуханняў аб дзейнасці структур Каардынацыйнай рады, Aб'яднанага пераходнага кабінета, а таксама любых іншых грамадскіх і палітычных суб'ектаў беларускага дэмакратычнага руху; 

1.2.3.3. узгадненне кандыдатаў на пасаду ў Аб'яднаны пераходны кабінет, а таксама кандыдатаў на iншыя публічныя і значныя для грамадства пазіцыі, якія закранаюць інтарэсы беларускага дэмакратычнага руху, у адпаведнасці з палажэннямі Мемарандума аб узаемадзеянні; 

1.2.2.4. прапанаванне кандыдатаў на пасаду ў Аб’яднаны пераходны кабінет, а таксама любых іншых кандыдатаў на іншыя публічныя і значныя для грамадства пазіцыі, што закранаюць інтарэсы беларускага дэмакратычнага руху; 

1.2.2.5. ажыццяўленне функцыі грамадзянскага кантролю шляхам 

заслухоўвання перыядычных справаздач Аб’яднанага пераходнага кабінета, уключаючы яго асобных прадстаўнікоў, па пытаннях яго дзейнасці, у тым ліку па прыцягненні і выдаткаванні фінансавых сродкаў; 

1.2.2.6. вынясенне ацэнак і рэкамендацый для Аб'яднанага пераходнага кабінета і яго Кіраўніка па выніках разгляду яго справаздач, уключна з справаздачамі яго асобных прадстаўнікоў; 

1.2.2.7. разгляд пытання аб вынясенні вотуму недаверу ўсяму складу Аб'яднанага пераходнага кабінета, калі пададзеная справаздача аб яго дзейнасці прызнаецца нездавальняльнай; 

1.2.2.8. пры ўзгадненні з Аб'яднаным пераходным кабінетам раcпрацоўка і зацвярджэнне нацыянальных праграм і стратэгій для міжнароднай дапамогі для Беларусі, уключаючы праграмы падтрымкі асобных тэматычных сектараў; 

1.2.2.9. прэзентаванне інтарэсаў беларускага грамадства на міжнароднай арэне, у рамках узгодненых з Аб'яднаным пераходным кабінетам кірункаў міжнароднай дзейнасці дэмакратычных сіл. 

1.2.3. aбарона правоў і інтарэсаў беларускіх грамадзян, пазбаўленых падтрымкі і абароны беларускай дзяржавы, як на тэрыторыі Рэспублікі Беларусь, гэтак і за яе межамі, уключаючы аказанне тэрміновай праўнай дапамогі; 

1.2.4. сaдзейнічанне і арганізацыя працэсаў па вырашэнні канфліктаў і спрэчак паміж беларускімі грамадскімі і палітычнымі аб'яднаннямі і ініцыятывамі праз медыяцыю і перамовы, уключаючы стварэнне незалежных камісій па расследаванні і ўстанаўленні фактаў, разгляд і абмеркаванне экспертных заключэнняў; 

1.2.5. aўдыт фінансавай і іншай дзейнасці грамадзянскіх і палітычных ініцыятыў, якія закранаюць інтарэсы беларускага дэмакратычнага руху, у тым ліку накіраванне запытаў на прадастаўленне інфармацыі аб крыніцах фінансавання і расходах. 

1.3. Каардынацыйная рада і яе афіцыйная мова 

1.3.1. Мовай усіх дакументаў Каардынацыйнай рады з'яўляецца беларуская мова. Дэлегаты вольныя выкарыстоўваць любую мову для камунікацыі. 

‍

2. Дэлегаты, парадак іх вылучэння, абрання і спынення паўнамоцтваў 

2.1. Дэлегаты Каардынацыйнай рады — гэта абраныя ў Каардынацыйную раду прадстаўнікі беларускага грамадства. 

2.1.1. Дэлегат Каардынацыйнай рады ўпаўнаважаны ажыццяўляць прадугледжаныя сапраўдным Статутам паўнамоцтвы на працягу тэрміну паўнамоцтваў Каардынацыйнай рады. 

2.1.2. У выпадку спынення паўнамоцтваў дэлегата ў Каардынацыйнай радзе, мандат дэлегата пераходзіць наступнаму кандыдату ў спісе выбарчага суб'екта ад якога ён быў абраны. 

2.2. Тэрмін дзеяння паўнамоцтваў дэлегата Каардынацыйнай рады складае два гады з моманту правядзення першага Агульнага пасяджэння яго складу. 

2.2.1. Першае пасяджэнне новага складу Каардынацыйнай рады праводзіцца не пазней як у месячны тэрмін пасля абвяшчэння вынікаў выбараў. Рашэнні аб даце 

і часе пасяджэння, старшыні і сакратары пасяджэння, а таксама парадку дня прымаюцца дэлегатамі новага складу Каардынацыйнай рады шляхам галасавання. Паўнамоцтвы старшыні і сакратара лічацца спыненымі з моманту абрання спікера і сакратара Каардынацыйнай рады. 

2.3. Усе дэлегаты Каардынацыйнай рады роўныя. Дэлегаты Каардынацыйнай рады маюць наступныя правы: 

2.3.1. атрымліваць дакладную і поўную інфармацыю пра дзейнасць Каардынацыйнай рады і яе структур; 

2.3.2. абіраць і быць абраным у кіроўныя і працоўныя органы і на кіроўныя пазіцыі Каардынацыйнай рады ў адпаведнасці з працэдурамі, апісанымі ў сапраўдным Рэгламенце; 

2.3.3. браць удзел у абмеркаваннях, распрацоўцы і прыняцці рашэнняў Агульнага пасяджэння Каардынацыйнай рады праз галасаванне ў адпаведнасці з працэдурамі, усталяванымі сапраўдным Рэгламентам, ці ўстрымлівацца ад галасавання; 

2.3.4. уносіць прапановы, пытанні і праекты дакументаў у парадак дня Агульнага пасяджэння Каардынацыйнай рады для абмеркавання і галасавання, пры ўмове, што такое ўнясенне падтрымліваецца не менш чым шасцю дэлегатамі; 

2.3.5. складаць з сябе паўнамоцтвы ўдзельніка кіроўных структур 

Каардынацыйнай рады, а таксама выходзіць са складу Каардынацыйнай рады ў любы момант па ўласным жаданні з адпаведным паведамленнем пра гэта Спікера Каардынацыйнай рады ці Сакратарыята; 

2.3.6. ствараць працоўныя і іншыя групы, ініцыяваць стварэнне камісій, а таксама ўдзельнічаць у іх дзейнасці ў адпаведнасці з унутранымі перакананнямі, уласным бачаннем стратэгій Каардынацыйнай рады, ужываць свае прафесійныя веды і навыкі, спрыяць павышэнню эфектыўнасці дзейнасці Каардынацыйнай рады; 

2.3.7. уваходзіць у адну ці некалькі працоўных груп і камісій, ці не далучацца ні да адной з фракцый і не ўваходзіць у склад ніводнай працоўнай групы альбо камісіі. 

2.3.8. пры ажыццяўленні сваіх правоў і выкананні сваіх абавязкаў, весці ўнутраную і вонкавую перапіску, ствараць і скіроўваць запыты на афіцыйным бланку Дэлегата Каардынацыйнай рады Беларусі. 

2.3.9. мець памочнікаў для эфектыўнага ажыццяўлення сваёй дзейнасці ў Каардынацыйнай радзе і ў камунікацыях з выбаршчыкамі, дыяспарамі, прадстаўнікамі дзяржаўных структур і грамадскіх арганізацый краін пражывання. Дэлегат паведамляе ў Сакратарыят, што з ім працуе памочнік (Імя Прозвішча). Статус памочніка дэлегата публічны і паказваецца на сайце Каардынацыйнай рады ў інфармацыі пра дэлегата. Дэлегат можа мець да трох памочнікаў у сваёй дзейнасці ў Каардынацыйнай радзе. 

Памочнік дэлегата мае права: 

— прадстаўляцца памочнікам дэлегата ў справах, звязаных з дзейнасцю ў Каардынацыйнай радзе, камунікацыях, запытах інфармацыі і іншых справах; — разам з дэлегатам ці асобна, па даручэнні дэлегата, браць удзел у дзейнасці працоўных груп ці камісій Каардынацыйнай рады пры згодзе простай большасці чальцоў групы ці камісіі, без права голасу ў прыняцці рашэнняў. 

Памочнік дэлегата абавязаны прытрымлівацца этычных правілаў камунікацыі (этычнага кодэксу) ў Каардынацыйнай радзе. 

2.4. Дэлегаты Каардынацыйнай рады абавязаны сумленна выконваць ролю дэлегата Каардынацыйнай рады і бараніць інтарэсы грамадзянаў Рэспублікі Беларусь, дэмакратычных сіл і арганізацый беларускай грамадзянскай супольнасці, у прыватнасці: 

2.4.1. браць удзел у працы Каардынацыйнай рады: наведваць Агульныя пасяджэнні, знаёміцца з дакументамі і ўдзельнічаць у агульным галасаванні. Калі дэлегат не ўдзельнічае ў агульным галасаванні цягам двух месяцаў запар, яго адсутнасць не будзе ўлічвацца пры вызначэнні кворуму на наступных галасаваннях. Права голасу дэлегата аднаўляецца аўтаматычна пры аднаўленні яго ўдзелу ў Агульных пасяджэннях; 

2.4.2. весці канструктыўную дыскусію, у прыватнасці, выконваць яе правілы, у якіх не дапускаецца абраза іншых удзельнікаў абмеркавання; выкарыстанне ненарматыўнай лексікі, бяздоказных сцвярджэнняў і абвінавачванняў, дэзынфармацыі, парушэнне парадку выступу. 

2.5. Дэлегат Каардынацыйнай рады можа быць пазбаўлены мандата па рашэнні кваліфікаванай большасці Агульнага пасяджэння ў наступных выпадках: 

2.5.1. дэлегат не ўдзельнічае ў Агульных пасяджэннях ці галасаваннях агульнага складу Каардынацыйнай рады на працягу трох месяцаў запар за выключэннем выпадкаў, прызнаных Агульным пасяджэннем уважлівымі; 

2.5.2. дзейнасць дэлегата несумяшчальная з мэтамі Каардынацыйнай рады ці дэлегат сваімі дзеяннямі дыскрэдытуе дзейнасць Каардынацыйнай рады. Працэдура такога выключэння прадугледжваецца спецыяльным палажэннем, прынятым Агульным пасяджэннем Каардынацыйнай рады. 

2.6. Дэлегат Каардынацыйнай рады не можа сумяшчаць пасаду прадстаўніка ці яго намесніка з правам голасу ў Аб'яднаным Пераходным Кабінеце з пасадамі Спікера, Віцэ-спікера, кіраўніка Сакратарыята, кіраўніка камісіі ці ўдзельніка працоўнай групы па слуханнях АПК у Каардынацыйнай радзе. 

‍

3. Формы ўзаемадзеяння дэлегатаў 

3.1. Першаснай і асноўнай формай узаемадзеяння дэлегатаў з'яўляецца фракцыя. Для павышэння эфектыўнасці працы Каардынацыйнай рады фармалізаваныя ўзаемадзеянні груп дэлегатаў могуць ажыццяўляцца таксама праз працоўныя групы і камісіі. 

3.2. Фракцыя — гэта група дэлегатаў, якія аб'ядналіся для павышэння выніковасці і эфектыўнасці дзейнасці Каардынацыйнай рады ў дасягненні яе мэтаў. Першапачатковыя назвы, колькасць і персанальны склад фракцый адпавядаюць назвам, колькасці і персанальнаму складу выбарчых спісаў, якія атрымалі месцы ў Каардынацыйнай радзе. Дэлегаты могуць свабодна пераходзіць з адной фракцыі ў іншую, выходзіць з фракцыі і не ўваходзіць ні ў адну фракцыю, а таксама ліквідаваць фракцыю па рашэнні большасці яе членаў. Стварэнне новых і аднаўленне ліквідаваных фракцый не дапускаецца. Назва фракцыі можа быць зменена па рашэнні большасці яе членаў, але не часцей, чым адзін раз у шэсць месяцаў. 

3.3. Фракцыя паведамляе Сакратарыяту аб сваёй ліквідацыі, зменах у складзе, кіраўніках, парадку прыняцця рашэнняў і галасаванні. Сакратарыят сам альбо па запыце іншых дэлегатаў можа ў любы момант запытаць у фракцыі актуальнасць звестак аб фракцыі. 

3.4. Дэлегат Каардынацыйнай рады можа выйсці з фракцыі шляхам апавяшчэння аб гэтым кіраўніцтва фракцыі і Сакратарыята. Фракцыйная прыналежнасць дэлегата спыняецца пасля заканчэння сутак з моманту падачы апавяшчэння аб выхадзе з фракцыі. 

3.5. Фракцыі маюць наступныя паўнамоцтвы: 

3.5.1. вылучаць сваіх прадстаўнікоў у кіруючыя органы Каардынацыйнай рады; 

3.5.2. выносіць пытанні і прапановы на парадак дня Агульнага пасяджэння Каардынацыйнай рады; 

3.5.3. атрымліваць інфармацыю ад органаў Каардынацыйнай рады па запыце; 

3.5.4. выносіць пытанні і прапановы на галасаванне Агульнага пасяджэння Каардынацыйнай рады; 

3.5.5. прапаноўваць кандыдатаў на пазіцыі Спікера, Віцэ-спікера і кіраўніка Сакратарыята Каардынацыйнай рады. 

3.6. Прапаноўваць кандыдатаў на пазіцыі Спікера, Віцэ-спікера і кіраўніка Сакратарыята Каардынацыйнай рады. 

3.7. Працоўная група паведамляе Сакратарыят пра сваё стварэнне, склад, кіраўніка, мэты і задачы, працэс ажыццяўлення дзейнасці і прыняцця рашэнняў, а таксама аб спыненні дзейнасці групы. Адказнасць за поўнасць і актуальнасць звестак пра працоўную групу, якія перададзеныя ў Сакратарыят, ляжыць на кіраўніках працоўнай групы. 

3.8. Камісія Каардынацыйнай рады — гэта група дэлегатаў, упаўнаважаная агульным складам Каардынацыйнай рады на выкананне задач па ўстаноўцы фактаў, выяўленні акалічнасцяў і атрыманні экспертных заключэнняў, патрэбных Каардынацыйнай радзе для адказнага і інфармаванага выканання яе мэт. 

3.9. Прапанова аб стварэнні камісіі можа быць унесена на абмеркаванне Спікерам, фракцыяй ці групай дэлегатаў колькасцю не меней за шэсць чалавек. У прапанове павінны ўтрымлівацца наступныя абавязковыя атрыбуты: 

а) абгрунтаванне стварэння камісіі, яе мэты і задачы, 

б) аб'ём і тэрмін яе паўнамоцтваў, уключаючы правы вядзення ўнутранай і вонкавай перапіскі, стварэння і накіравання запытаў на афіцыйным бланку камісіі Каардынацыйнай рады, 

в) кандыдатура кіраўніка і намесніка кіраўніка камісіі. 

Фракцыі маюць права дэлегаваць свайго прадстаўніка ў камісію ў любы час. Камісія падае звесткі Агульнаму пасяджэнню Каардынацыйнай рады ў парадку і ў тэрмін, што вызначаны ў рашэнні аб яе ўтварэнні. 

3.10. Для забеспячэння выканання этычных норм і прынцыпаў канструктыўнай камунікацыі, садзейнічання павышэнню культуры зносін і работы Каардынацыйнай рады на аснове этычных норм, а таксама вырашэння ўнутраных канфліктаў ствараецца сталая камісія па этыцы і камунікацыі. 

3.11. Працоўныя групы і камісіі павінны даваць справаздачу аб выніках сваёй дзейнасці не радзей за адзін раз на шэсць месяцаў перад Агульным пасяджэннем Каардынацыйнай рады. Пры неабходнасці, Спікер можа запытаць аднаразовую або перыядычную справаздачу ў працоўнай групы або камісіі, кіраўнікі якіх абавязаны вырабіць такую справаздачу для яе прадстаўлення на Агульным пасяджэнні Каардынацыйнага савета ў разумныя тэрміны 

‍

4. Кіруючыя органы Каардынацыйнага рады — агульнае пасяджэнне, нарада фракцый, спікер і віцэ-спікер, сакратарыят і яго кіраўнік 

4.1. Агульнае пасяджэнне 

4.1.1. Агульнае пасяджэнне Каардынацыйнай рады — гэта яе вышэйшы кіруючы орган, які складаецца з усіх дэлегатаў з дзеючым мандатам. 

4.1.2. Агульнае пасяджэнне правамоцна прымаць рашэнні па ўсіх прадстаўленых перад ім пытаннях пры ўдзеле ў галасаванні не менш як палова плюс адзін дэлегат ад агульнай колькасці дэлегатаў Каардынацыйнай рады з дзеючым мандатам. 

4.1.3. Агульнае пасяджэнне прымае рашэнні простай большасцю галасоў ад колькасці прагаласаваўшых дэлегатаў па наступных пытаннях: 

4.1.3.1. зацвярджэнне рэзалюцый, заяў, зваротаў і запытаў ад імя 

Каардынацыйнай рады па прадстаўленні Нарады фракцый, фракцый, камісій, або дэлегатаў у колькасці не менш за 6 чалавек; 

4.1.3.2. зацвярджэнне справаздач аб дзейнасці; 

4.1.3.3. зацвярджэнне палажэння аб бюджэце Каардынацыйнай рады; 

4.1.3.4. зацвярджэнне штогадовага бюджэту Каардынацыйнай рады бягучага склікання, штогадовай справаздачы аб дзейнасці Сакратарыята і аб выкананні бюджэту; 

4.1.3.5. вынясенне вотуму недаверу і падтрыманне прапановы аб 

адстаўцы кіраўніка Сакратарыята і спецпрадстаўніка па прадстаўленні групы дэлегатаў колькасцю не менш за адну трэць ад складу 

Каардынацыйнай рады. У выпадку, калі галасаванне аб вынясенні вотуму недаверу не адбылося, наступная прапанова аб вынясенні вотуму 

недаверу можа быць вынесена не раней як праз 45 дзён; 

4.1.3.6. па іншых прапановах ад Нарады фракцый, фракцый, камісій або дэлегатаў у колькасці не менш за 6 чалавек, якія не прапісаны ў п.п. 4.1.4, 4.1.5 

4.1.4. Агульнае пасяджэнне прымае рашэнні большасцю ад колькасці спісачнага складу па наступных пытаннях: 

4.1.4.1. вынясенне вотуму недаверу і падтрыманне прапановы аб 

адстаўцы Спікера і Віцэ-спікера, па прадстаўленні групы дэлегатаў колькасцю не менш за адну трэць ад спісачнага складу Каардынацыйнай рады. У выпадку, калі галасаванне аб вынясенні вотуму недаверу не адбылося, наступная прапанова аб вынясенні вотуму недаверу можа быць вынесена не раней як праз 45 дзён. 

4.1.5. Агульнае пасяджэнне прымае рашэнні большасцю ў дзве трэці ад колькасці прагаласаваўшых дэлегатаў па наступных пытаннях: 

4.1.5.1. зацвярджэнне і змяненне гэтага Рэгламенту; 

4.1.5.2. выключэнне дэлегатаў з Каардынацыйнай рады бягучага складу; 

4.1.5.3. вынясенне вотуму недаверу Аб’яднанаму пераходнаму кабінету пры несцвярджэнні яго справаздачы; 

4.1.6. Агульнае пасяджэнне абірае са складу Каардынацыйнай рады Спікера і Віцэ-спікера, а таксама кіраўніка Сакратарыята Каардынацыйнай рады простай большасцю галасоў (больш за 50 адсоткаў) ад колькасці прагаласаваўшых дэлегатаў. 

Кандыдаты на пасаду Спікера, Віцэ-спікера і кіраўніка Сакратарыята Каардынацыйнай рады могуць вылучацца фракцыямі альбо ініцыятыўнымі групамі дэлегатаў колькасцю не менш за шэсць чалавек. Фракцыя ці ініцыятыўная група можа вылучыць не больш за аднаго кандыдата на пазіцыю Спікера, Віцэ-спікера ці кіраўніка Сакратарыята Каардынацыйнай рады. 

Дэлегаты могуць вылучаць уласную кандыдатуру, а таксама заяўляць самаадвод. 

У выпадку, калі на пасаду Спікера, Віцэ-спікера ці кіраўніка Сакратарыята Каардынацыйнай рады было вылучана больш за два кандыдаты і ні адзін з іх не набраў неабходнай для абрання колькасці галасоў, праводзіцца галасаванне па двух кандыдатурах, якія атрымалі найбольшую колькасць галасоў. Калі пры галасаванні ні адзін з двух кандыдатаў не набраў неабходнай колькасці галасоў, праводзяцца паўторныя выбары. 

4.1.7. Галасаванне Агульнага пасяджэння Каардынацыйнай рады адбываецца ў адкрытым фармаце. Галасаванне праводзіцца цягам 24 гадзін, альбо ў выключных выпадках па прапанове Нарады фракцыі тэрмін галасавання можа быць скарочаны. Вынікі галасавання агучваюцца Спікерам неадкладна пасля падліку галасоў. Вынікі галасавання публікуюцца Сакратарыятам Каардынацыйнай рады не пазней за 24 гадзіны пасля завяршэння галасавання 

4.1.8. Прыняцце заяў і рашэнняў ад імя Каардынацыйнай рады Беларусі з'яўляецца выключным правам Агульнага пасяджэння. Стварэнне і накіраванне лістоў і запытаў на афіцыйным бланку Каардынацыйнай рады Беларусі з'яўляецца правам кіроўных органаў КР, Сакратарыяту, а таксама камісій у межах мандату 

4.1.9. Усе, акрамя Спікера, Віцэ-спікера, Сакратара і кіраўнікоў камісій Каардынацыйнай Рады, абіраюцца па сістэме рэйтынгавага галасавання. 

4.2. Спікер і віцэ-спікер 

4.2.1. Спікер Каардынацыйнай рады - гэта дзеючы дэлегат, які атрымаў першае месца на галасаванні Агульнага пасяджэння па выбары Спікера 

Каардынацыйнай рады, што ажыццяўляе наступныя функцыі: 

4.2.1.1. старшынства і забеспячэнне вядзення пасяджэнняў 

Каардынацыйнай рады ў адпаведнасці з гэтым Рэгламентам; 

4.2.1.2. забеспячэнне адпаведнасці дзейнасці Каардынацыйнай рады палажэнням гэтага Рэгламенту; 

4.2.1.3. прадстаўленне Каардынацыйнай рады ва ўсіх адносінах з 

партнёрамі, контрагентамі і шырокай грамадскасцю праз сродкі масавай інфармацыі і афіцыйныя каналы камунікацый Каардынацыйнай рады, уключаючы вядзенне ўнутранай і знешняй перапіскі, стварэння і 

накіравання запытаў на афіцыйным бланку Спікера Каардынацыйнай рады Беларусі; 

4.2.1.4. забеспячэнне эфектыўных камунікацый паміж усімі дэлегатамі і структурамі Каардынацыйнай рады; 

4.2.1.5. забеспячэнне эфектыўнага выканання сваіх функцый усімі структурнымі падраздзяленнямі Каардынацыйнай рады ў адпаведнасці з палажэннямі гэтага Рэгламенту; 

4.2.2. Віцэ-спікер — гэта дзеючы дэлегат Каардынацыйнай рады, абраны па выніках галасавання Агульнага пасяджэння Каардынацыйнай рады. Віцэ-спікер садзейнічае Спікеру ў выкананні яго паўнамоцтваў па ўзгадненні з ім і замяшчае яго ў перыяды змушанай адсутнасці. У выпадку адстаўкі Спікера або немагчымасці выканання ім сваіх функцый на працягу трох месяцаў запар, Віцэ-спікер набывае ўсе правы і абавязкі Спікера. 

4.2.3. Тэрмін паўнамоцтваў Спікера і Віцэ-спікера Каардынацыйнай рады роўны тэрміну паўнамоцтваў бягучага складу Каардынацыйнай рады, калі толькі такія 

паўнамоцтвы не былі спыненыя датэрмінова Агульным пасяджэннем Каардынацыйнай рады ў адпаведнасці з гэтым Рэгламентам. 

4.2.4. Спікер і Віцэ-спікер падсправаздачныя ў сваёй дзейнасці Агульнаму пасяджэнню Каардынацыйнай рады. 

4.2.5. Кіруючыся палажэннямі гэтага Статута, Спікер і Віцэ-спікер супольна распрацоўваюць правілы правядзення пасяджэнняў Каардынацыйнай рады, у якіх вызначаюць парадак рэгістрацыі выступаў дэлегатаў, іх паслядоўнасць і працягласць у залежнасці ад тыпу і аб'ёму перададзенай інфармацыі. Распрацаваныя правілы даводзяцца да ўвагі дэлегатаў Каардынацыйнай рады ў разумны тэрмін. 

4.3. Нарада фракцый каардынацыйнай рады 

4.3.1. Агульныя палажэнні аб Нарадзе фракцый 

4.3.1.1. Нарада фракцый — гэта калектыўны орган кіравання 

Каардынацыйнай рады. Нарада фракцый падсправаздачная ў сваёй дзейнасці Агульнаму пасяджэнню Каардынацыйнай рады. 

4.3.1.2. Нарада фракцый Каардынацыйнай рады складаецца з 

прадстаўнікоў фракцый і камісій, а таксама Спікера, Віцэ-спікера і часткі Сакратарыята. Кожная камісія і фракцыя дэлегуе ў Нараду фракцый не больш за аднаго прадстаўніка. Спікер, Віцэ-спікер, Кіраўнік 

Сакратарыята і прадстаўнікі камісій Каардынацыйнай рады прымаюць удзел у Нарадзе фракцый без права голасу. 

4.3.1.3. Нарада фракцый правамоцная пры ўдзеле ў пасяджэнні 

прадстаўнікоў, чые фракцыі маюць у суме не менш за палову плюс адзін голас ад агульнай сумы галасоў, якія складаюць нараду фракцый. 

4.3.1.4. Нарада фракцый пры прыняцці рашэнняў імкнецца да кансэнсусу. Прадстаўнік адной фракцыі мае колькасць галасоў, якая роўна колькасці сябраў фракцыі. Пры немагчымасці дасягнення кансэнсусу Нарада фракцый прымае рашэнне большасцю галасоў. 

4.3.2. Паўнамоцтвы Нарады фракцый: 

4.3.2.1. Нарада фракцый вызначае парадак дня працы Каардынацыйнай рады і парадак пытанняў, якія выносяцца на галасаванне; 

4.3.2.2. Нарада фракцый прымае рашэнні аб удзеле Каардынацыйнай рады ў якасці партнёра ці патрона праектаў, публічных кампаній ці іншых публічных мерапрыемстваў; 

4.3.2.3. Нарада фракцый ажыццяўляе кантроль выканання Рэгламенту, кантроль дзейнасці Сакратарыята, а таксама фінансавы кантроль 

дзейнасці Каардынацыйнай рады; 

4.3.2.4. Нарада фракцый садзейнічае Спікеру і Сакратарыяту ў рашэнні арганізацыйных задач; 

4.3.2.5. Пры адсутнасці Спікера або Віцэ-спікера Нараду фракцый вядзе адзін з лідараў фракцый, абраны па жэрабі; 

4.3.2.6. Нарада фракцый сцвярджае штатны расклад Сакратарыята і бюджэт Каардынацыйнай рады па прадстаўленні кіраўніка Сакратарыята; 

4.3.2.7. Нарада фракцый па сваёй ініцыятыве або па прапанове фракцый можа прапаноўваць утварэнне камісій Каардынацыйнай рады. Склад гэтых камісій, іх паўнамоцтвы і абавязкі рэкамендуюцца Нарадай фракцый. Рашэнне аб стварэнні камісій прымаецца Агульным 

пасяджэннем Каардынацыйнай рады. 

4.3.3. Пазафракцыйныя дэлегаты Каардынацыйнай рады маюць права вылучаць свайго прадстаўніка з правам голасу ў Нараду фракцый (прадстаўнік дзевяці пазафракцыйных дэлегатаў будзе мець адзін голас, прадстаўнік васямнаццаці пазафракцыйных дэлегатаў – два галасы і г.д.) з тэрмінам паўнамоцтваў у тры месяцы. Вылучэнне адбываецца шляхам прамога галасавання пазафракцыйных дэлегатаў. Пазафракцыйныя дэлегаты паведамляюць Сакратарыят аб вылучэнні свайго прадстаўніка ў Нараду фракцый з прадстаўленнем спісу дэлегатаў, якія яго вылучылі. 

4.4. Сакратарыят і яго кіраўнік 

4.4.1. Сакратарыят Каардынацыйнай рады — гэта падраздзяленне, якое ажыццяўляе арганізацыйна-тэхнічнае і фінансавае забеспячэнне дзейнасці Каардынацыйнай рады і ўсіх яе структур. 

4.4.2. Сакратарыят забяспечвае арганізацыю правядзення Агульных пасяджэнняў Каардынацыйнай рады, яго галасаванняў, нарад фракцый, камісій, працоўных груп, інфармаванне шырокай грамадскасці аб дзейнасці структур Каардынацыйнай рады праз сродкі масавай інфармацыі і афіцыйныя каналы інфармавання Каардынацыйнай рады, арганізацыі сустрэч дэлегатаў і кіруючых органаў Каардынацыйнай рады, мясцовых і міжнародных падарожжаў упаўнаважаных прадстаўнікоў Каардынацыйнай рады, арганізацыі асамблей, слуханняў, публічных імпрэз Каардынацыйнай рады, збірае і забяспечвае бяспеку асабістых звестак дэлегатаў у адпаведнасці з патрабаваннямі датычнага заканадаўства. 

4.4.3. Сакратарыят фарміруе поўны спіс дэлегатаў Каардынацыйнай рады бягучага складу, уключаючы іх імёны і прозвішчы, не больш чым праз дзесяць дзён пасля заканчэння фармавання складу Каардынацыйнай рады і прадстаўляе яго ў адкрытым доступе. 

4.4.4. Кіраўнік Сакратарыята з'яўляецца яго кіраўніком і вышэйшай службовай асобай, якая мае права распараджацца маёмасцю Сакратарыята, прымаць і аплачваць грашовыя сродкі, падпісваць дагаворы ад імя Сакратарыята і выступаць ад яго імя перад органамі дзяржаўнага кіравання і ў судзе. Кіраўнік Сакратарыята не можа адначасова быць дэлегатам Каардынацыйнай рады. У выпадку, калі дэлегат выбіраецца кіраўніком Сакратарыята, ён складае свой мандат на час выканання абавязкаў кіраўніка Сакратарыята. 

4.4.5. Кіраўнік Сакратарыята прызначаецца Агульным пасяджэннем Каардынацыйнай рады ў адпаведнасці з палажэннямі гэтага Рэгламенту. 

4.4.6. Кіраўнік Сакратарыята распрацоўвае і прадстаўляе на зацвярджэнне Агульнаму пасяджэнню Каардынацыйнай рады праект бюджэту Сакратарыята і яго штатнага раскладу, а таксама прапановы па іх змяненні і дапаўненні пры неабходнасці. 

4.4.7. Кіраўнік Сакратарыята дае справаздачу Нарадзе фракцый аб аператыўным выкананні бюджэту Сакратарыята штоквартальна. Кіраўнік Сакратарыята дае штогадовую справаздачу аб дзейнасці Сакратарыята і выкананні бюджэту Агульнаму пасяджэнню Каардынацыйнай рады. 

4.4.8. Паўнамоцтвы Кіраўніка Сакратарыята мінулага склікання заканчваюцца ў дзень абрання Кіраўніка Сакратарыята новага склікання. 

4.4.9. Ўся ўваходная і выходная карэспандэнцыя ад асобы Каардынацыйнай рады і яе органаў рэгіструецца ў Сакратарыяце. 

4.5. Спецыяльныя прадстаўнікі 

4.5.1. Пры неабходнасці, для вырашэння спецыялізаваных задач і місій, Агульнае пасяджэнне Каардынацыйнага савета можа прызначаць спецыяльных прадстаўнікоў з ліку кандыдатаў, вылучаных ад фракцый і ініцыятыўных груп дэлегатаў колькасцю не менш як шэсць чалавек. 

4.5.2. Спецыяльныя прадстаўнікі Каардынацыйнай рады падсправаздачныя ў сваёй дзейнасці Агульнаму пасяджэнню Каардынацыйнай Рады ў межах і тэрмінах перададзеных ім паўнамоцтваў. 

‍

5. Бюджэт Каардынацыйнай рады 

5.1. Парадак фарміравання і зацвярджэння Бюджэту Каардынацыйнай рады, а таксама парадак справаздачнасці Сакратарыята аб выкананні Бюджэту і ажыццяўленнi кантролю за расходаваннем грашовых сродкаў рэгламентуецца Палажэннем аб бюджэце Каардынацыйнай рады.