Адказ просты: за ўвесь час у Беларусі не было паспяховых кампаній байкоту, бо прадстаўнікі дэмсіл не мелі кансалідаванай пазіцыі. Адзін бок заклікаў да ўдзелу, іншs — падтрымліваў байкот. Аднак, каб актыўны байкот быў паспяховым, яго павінна падтрымаць большасць выбарцаў.
Сёння сітуацыя цалкам новая. Дэмакратычныя сілы згуртаваліся і выбралі адну стратэгію паводзін на «рэферэндуме». Спрачацца пра байкот і ўдзел бессэнсоўна, бо ў абодвух выпадках гаворка ідзе пра зрыў «рэферэндуму» або прызнанні яго несапраўдным.
Цяпер важна не раз’ядноўвацца, а скарыстаць даступныя прылады, якія могуць падтрымаць прыхільнікі як байкоту, гэтак і ўдзелу:
— публікаваць склады выбарчых камісій;
— распаўсюджваць інфармацыю пра кампанію Сумленных людзей па падтрымцы сумленных сяброў ЎВК;
— інфармаваць сяброў ЎВК пра адказнасць за парушэнне закона;
— дэманстраваць нязгоду і расказваць знаёмым, што ўяўляе сабою «рэферэндум».
Улады будуць працягваць рэпрэсіі, і каб дамагчыся нашай адной мэты, мы павінны дзейнічаць зладжана.
