У традыцыйным штотыднёвым дайджэсце расказваем пра галоўныя навіны мінулага тыдня.
Запусцілі Рух большасці
Гэта новая ініцыятыва, якая дапаможа нам хутчэй перамагчы беззаконне. Далучайцеся да чат-бота Руху Большасці.
Правялі Сусветны тыдзень прадпрымальніцтва
З 16 па 22 лістапада прайшло анлайн-мерапрыемства для бізнесменаў: Сусветны тыдзень прадпрымальніцтва. Спікеры і ўдзельнікі абмеркавалі праблемы працы бізнесу ў пераломны час, тэмы пошуку новых ідэй, жаночага лідарства і стартапаў.
Правялі канферэнцыю BelarusDigital.Vision
Спікеры з Беларусі, Эстоніі, Польшчы, Украіны, Расіі, ЗША і іншых краінаў абмеркавалі найлепшы досвед пабудовы лічбавай дзяржавы і лічбавай эканомікі.
Працягнулі развіваць КОТГСы
Цяпер мы рыхтуемся да пасяджэнняў ініцыятыўных груп для перавыбрання ўпаўнаважаных асобаў, за якіх у далейшым будуць збірацца подпісы для іх абрання ў кіраўніцтва КОТГСаў. Далучайцеся да ініцыятывы. А пачытаць пра КОТГСы, якія ўжо дзейнічаюць, можна тут.
Арганізавалі прэс-канферэнцыю з рэгіянальнымі СМІ
19-га лістапада прадстаўнікі Каардынацыйнай Рады Максім Баграцоў, Вольга Кавалькова, Сяргей Дылеўскі і Алесь Аляхновіч расказалі аб тым, чым сёння займаецца Каардынацыйная Рада, якія выклікі стаяць перад заводамі, бізнесамі, палітычнай сістэмай.
Працягнулі працу з праектам 23-34
Мы дапамагаем развівацца ініцыятыве як партнёры праекта. Дасылайце свае гісторыі аб тым, як вас асудзілі па артыкуле 23.34 і сумежных. Нашая агульная задача — сабраць інфармацыю пра абсалютна ўсе парушэнні, звязаныя з мірнымі акцыямі, і правесці іх грамадскае расследаванне.
Каардынацыйная Рада — гэта мы!
