Каардынацыйная Рада запускае міжнародную кампанію #HappyNewLifeBelarus і запрашае ўвесь свет павіншаваць беларусаў з Новым годам.
- Запішыце сваё кароткае віншаванне з навагоднімі пажаданнямі для беларусаў
- Змясціце яго ў сваіх акаўнтах у сацыяльных сетках з хэштэгам #HappyNewLifeBelarus
- Адзначце сваю геалакацыю, каб відэа з’явілася на Карце Большасці
Сёлета мы яшчэ раз пераканаліся, што агульнымі намаганнямі мы можам усе!
Нам бы вельмі хацелася, каб вы самі запісалі відэа, а таксама звязаліся з лідарамі вашых краін і вядомымі людзьмі, каб яны таксама павіншавалі беларусаў.
Напярэдадні Каляд і Новага года мы хочам, каб словы падтрымкі з розных краін сталі яшчэ мацней і цяплей.
Мы збяром самыя цёплыя віншаванні кампаніі #HappyNewLifeBelarus і спакуем іх у адзін вялікі навагодні падарунак для беларусаў ад усяго свету.
