Палітзняволены сябра пашыранага складу КР Мікалай Шэметаў у верасні быў змешчаны ў карцар СІЗА № 6 у г. Баранавічы. Праз бот зваротнай сувязі нам атрымалася атрымаць урывак ліста, у якім Мікалай распавядае пра ўмовы ўтрымання ў карцары: «Акраец – гэта раскоша! 🙂 Вось на карцары ў мяне была толькі вада! :)».
Нагадаем, што Мікалай Шэметаў — шматдзетны бацька, быў затрыманы на парозе школы, куды адводзіў сваю дачку. У ліпені быў асуджаны на 2 гады пазбаўлення волі. Пасля разгляду апеляцыйнай скаргі 5 кастрычніка Мінскі гарадскі суд пакінуў прысуд без змен.
Вы можаце падтрымаць палітзняволеных лістамі. А калі вы атрымліваеце лісты-адказы ад палітзняволеных сяброў Каардынацыйнай рады, то раскажыце пра іх у нашым боце зваротнай сувязі ў Тэлеграм: @feedbackdvizhbot. Давайце разам перадаваць галасы нашых палітвязняў.
На сённяшні дзень 15 сяброў асноўнага і пашыранага складу КР знаходзяцца ў зняволенні.
