Хто мы?
Група дэлегатак і дэлегатаў, якія падзяляюць каштоўнасці грамадзянскасці — палітычнай суб’ектнасці кожнага грамадзяніна і займання ім праактыўнай пазіцыі ў вырашэнні агульных пытанняў.
Мы салідарныя ў сваіх дзеяннях — для нас каштоўная як агульная выгада ўсёй фракцыі, гэтак і выгада кожнага ўдзельніка і ўдзельніцы.
Фракцыя складаецца з прадстаўнікоў і прадстаўніц грамадзянскіх ініцыятыў і задзіночанняў, што працуюць у розных сферах. З намі прадстаўнікі Супраціва, працоўных, экалагічнай супольнасці, феміністак, дыяспар, супольнасцяў унутры Беларусі — старыя арганізацыі грамадзянскай супольнасці і новыя ініцыятывы, якія з’явіліся ў 2020 годзе.
На чым мы стаім?
Мы падзяляем агульныя ідэйныя палажэнні адносна беларускай грамадзянскай нацыі. Грамадзянская нацыя Беларусі складаецца з усіх беларусаў, незалежна ад іх этнічнай, нацыянальнай, моўнай, сацыяльнай, гендарнай прыналежнасці і палітычных паглядаў.
Лёс Беларусі — гэта справа рук саміх беларусаў. Мы — беларуская грамадзянская нацыя, заяўляем і маем намер рэалізоўваць сваё права на нацыянальнае самавызначэнне і поўнасць улады ў сваёй краіне, дзе мы і толькі мы самі маем права вырашаць.
Для ажыццяўлення гэтага мы стаім на рэалізацыі трыяды Культурнай Палітыкі: дэсаветызацыя, беларусізацыя, еўрапеізацыя.
Якія ў нас мэты?
— Зрабіць з Каардынацыйнай рады эфектыўны, рэпрэзентатыўны і празрысты орган, што прымае палітычныя рашэнні, якія прызнаюцца ўсімі палітычнымі актарамі дэмакратычнага руху.
— Стварыць поле для публічнай палітыкі. Выкрышталізаваць пазіцыі дэмакратычных сіл па асноўных палітычных пытаннях.
— Вырашыць прынцыповыя канфлікты паміж існымі структурамі ў дэмакратычным руху, выпрацаваць механізм сінхранізацыі палітычных сіл, якія выкарыстоўваюць розныя падыходы.
— Наладзіць узаемадзеянне з Украінай, як з урадам, гэтак і з украінскай грамадзянскай супольнасцю. Дамагчыся ўдзелу дэмакратычных сіл у перамовах пасля сканчэння баявых дзеянняў.
Арганізацыйны склад фракцыі
Павел Патапаў, спікер арганізацыі (ZUBR.in), «унутраны» спікер фракцыі, адказвае за ўнутраную працу фракцыі і прадстаўляе яе ў Нарадзе фракцыі
Аляксандр Кныровіч, прадпрымальнік, «вонкавы» спікер фракцыі, адказвае за камунікацыю фракцыі па-за Каардынацыйнай радай і за наяўнасць у медыя
Кіраўнік фракцыі
Патапаў Павел
Склад фракцыі
Агулам — 25 удзельнікаў і ўдзельніц фракцыі. Імёны некаторых схаваны дзеля бяспекі.
- Павел Патапаў (ZUBR.in)
- Андрэй Ягораў
- Паліна Бродзік (FreeBelarusCenter)
- Наталля Масюк
- Дыяспара Даніі
- Яраслаў Грыгор’еў (Супраціў)
- Святлана Мацкевіч (Цэнтр Еўрапейскай трансфармацыі)
- Аляксандр Кныровіч
- КПД
- HUB9
- Яраслаў Бекіш (Eurobelarus)
- Human Rights Impact
- Маргарыта Ворыхава (РАДА)
- клуб «Ліцвіны»
- Фонд «Жыві»
- Ігар Юрчык
- Вольга Павук (Рудабельская паказуха)
- Беларуская нацыянальная платформа
- Экадом
- Святлана Гатальская, фемгрупа КРБ
- Рабочы Рух