25 студзеня ў 12.00 пройдзе пасяджэнне суда па скарзе абароны сябра КР, адваката Максіма Знака на яго падаўжэнне тэрміну ўтрымання пад вартай.
З 9 Верасня ён знаходзіцца ў СІЗА. За ўвесь мінулы з таго моманту перыяд не пададзена ніякіх фактаў, якія б з пункту гледжання закона маглі вытлумачыць патрэбу яго зняволення. Не прыведзена такіх фактаў і зараз пры падаўжэнні меры спынення.
– Ужыванне такой меры разыходзіцца з патрабаваннямі Крымінальна-працэсуальнага кодэкса Беларусі і супярэчыць міжнародным прававым актам, што забараняюць адвольнае зняволенне пад варту, – падкрасляе адвакат Максіма Знака Дзмітрый Лаеўскі.
Максіму патрэбна падтрымка прафесійнай супольнасці і ўсіх неабыякавых людзей.
Падтрымаць Максіма на судзе можна 25 студзеня ў 12.00 па адрасе: суд Партызанскага раёна г. Мінска, каб. 4170.
Вы таксама можаце напісаць Максіму ліст у СІЗА ці зрабіць публікацыю пра Максіма Знаку ў сетках у знак нязгоды з яго нязаконным утрыманнем пад вартай.
#яМыМаксімЗнак
