Паводле дадзеных праваабарончага цэнтра «Вясна», сёння ў Беларусі 169 палітычных зняволеных. Беларусь апераджае шэраг буйнейшых дзяржаў па колькасці палітвязняў.
Праваабарончыя арганізацыі паведамляюць, што ў Расіі сёння 314 палітзняволеных, у Казахстане – 27, у В’етнаме – 253, Венесуэле – 350.
Апроч 169 палітзняволеных у Беларусі, «Вясне» вядома пра наяўнасць больш за 900 крымінальных спраў супраць беларусаў. Справы ўзбуджаныя ў сувязі з выбарчай кампаніяй і пратэстамі ў краіне.
Мы разумеем, што, заводзячы сфабрыкаваныя крымінальныя справы і спрабуючы задушыць голас народа, цяперашняя ўлада правакуе яшчэ большае абурэнне і імкненне да справядлівасці.
Падтрымлівайце палітзняволеных праз платформу для сяброўства politzek.me. Асабліва падтрымайце тых, у каго на сайце менш, чым у іншых сяброў.
Дзякуй за нашу салідарнасць!
*Дадзеныя па палітвязнях у розных краінах актуальныя на канец 2020-га года.
Крыніцы інфармацыі
Расія. Праваабарончы цэнтр «Мемарыял»
Казахстан. Фонд TIREK
В’етнам. Хрысціянская праваабарончая арганізацыя
Венесуэла. Праваабарончая арганізацыя «Венесуэльскі крымінальны форум»
