- Выбарчая Камісія па правядзенню выбараў у Каардынацыйную Раду 2024-2026 (далей ВК) арганізацыйна – кантрольным органам па рэалізацыі мэт і кантролю ўзгодненага працэсу па правядзенню выбараў у Каардынацыйную Раду (далей – КР) у адпаведнасці са Статутам КР, з Палажэннем аб Выбарах, прынятым КР, а таксама ўзгодненай выбарчай сістэмай. Выбарчая Камісія створана па выніках агульнага галасавання Каардынацыйнай Рады за Палажэння аб Выбарах (раздзел 4.) і карыстаецца ў сваёй дзейнасці прынцыпамі і мэтамі гэтага Палажэння. Сябрамі ВК з’яўляюцца выключна асобы, якія былі вылучаныя і абраныя ў ВК адпаведна з п.п. 4.3.-4.6. Палажэння аб Выбарах у Каардынацыйную Раду Беларусі.
- Для эфектыўнага ажыццяўлення сваёй дзейнасці ВК можа ствараць адмысловыя працоўныя групы, запрашаць экспертаў праводзіць даследаванні, апытанні, ажыццяўляць іншыя дзеянні ў межах сваіх паўнамоцтваў.
- Выбарчая Камісія з’яўляецца незалежным органам, працуе асобна ад КР і іншых актараў палітычнага поля, ажыццяўляе сваю дзейнасць самастойна ў межах сваіх паўнамоцтваў, вызначаных у п.1.
- ВК ажыццяўляе сваю дзейнасць на працягу ўсёй выбарчай кампаніі, да пачатку дзейнасці новага складу КР (да 15 чэрвеня).
- Пасяджэнні ВК праводзяцца не менш за раз на тыдзень альбо па меры неабходнасці ў анлайн фармаце.
- Пасяджэнні ВК транслююцца для грамадскасці ў адкрытым доступе.
- У пасяджэннях ВК могуць прымаць удзел (без права голасу) як прадстаўнікі грамадскіх аб’яднанняў і партый, працоўных груп, так і прадстаўнікі СМІ, назіральнікі, прадстаўнікі экспертнай супольнасці па запрашэнню Камісіі.
- На пасяджэннях ВК разглядаюцца выключна пытанні ды прапановы, якія маюць дачыненне да рэалізацыі выбарчага працэсу ў межах паўнамоцтваў ВК.
- Да разгляду на пасяджэннях ВК прымаюцца толькі тыя пытанні ды прапановы, якія сфармуляваны пісьмова і абгрунтаваны.
- Час і форма правядзення пасяджэнняў вызначаюцца на пасяджэннях ВК альбо праз працоўны чат у залежнасці ад абставін.
- Вядуцца пратаколы пасяджэнняў, у якіх адлюстроўваюцца асноўныя тэзісы з выступаў удзельнікаў пасяджэнняў. Выступоўцы маюць права ўносіць карэкціроўкі ў пратакол альбо далучаць тэзісы сваіх выступаў у дадатак да пратаколу. Пратаколы публікуюцца цягам не болей за тры працоўных дні.
- Рашэнні па прапановах і запытах, якія паступілі на разгляд ВК, а таксама змены і дапаўненні да іх прымаюцца большасцю галасоў “за”, “супраць”, альбо “ўстрымаўся”. Іншы парадак галасавання па асобных пытаннях прымаецца на пасяджэннях ВК, калі за яго прагаласавала не менш ⅔ ад складу ВК. Кворум для галасавання – не менш 2/3 ад спісавага складу ВК.
- У галасаванні прымаюць удзел толькі ўпаўнаважаныя Выбарчай Камісіяй, якія былі зацверджаны Агульным Галасаваннем КР па адпаведнай працэдуры КР. Змена складу ВК не ўваходзіць у паўнамоцтвы ВК. Кожны чалец ВК мае толькі адзін голас, які не можа быць перададзены нікому іншаму.
- Усе галасаванні, для выключэння злоўжыванняў, маюць адкрыты характар.
- Вынікі галасавання даводзяцца да ўсіх сябраў ВК, а таксама да сябраў КР і публікуюцца ў адкрытым доступе. Таксама на пасяджэннях і ў адкрытым доступе агучваецца інфармацыйны дайджэст працы ВК са зваротамі і скаргамі (адказы і вынікі разгляду скаргаў).
- Парадак абскарджання рашэнняў ВК:
16.1. Кожная зацікаўленая (якая мае прамое дачыненне да прадмета рашэння ВК) асоба ці суб’ект маюць права ў тэрмін 48 гадзін пасля прыняцця ВК рашэння альбо пасля публікацыі такога рашэння (калі гэта не было прадугледжана іншымі нормамі, пералічанымі ў п.1) накіраваць абгрунтаваную скаргу на рашэнне ВК па каналах афіцыйнай камунікацыі ВК з наступнымі абавязковымі пунктамі:а) ПІБ ці назва аўтара скаргі, кантакт, на каторы накіроўваецца адказ па скарзе;
б) спасылка на рашэнне ВК, па каторым адбываецца скарга;
в) сутнасць скаргі;
г) абгрунтаванне скаргі;
д) прапанова па наступных дзеяннях ВК.
16.2. Скаргі, якія былі пададзены з парушэннямі ўмоў п.16.1., Выбарчая Камісія мае права пакінуць без разгляду.
16.3. Разгляд скаргаў адбываецца ў тэрмін не больш за 72 гадзіны з моманту яе фактычнага атрымання і можа праводзіцца ў працоўным парадку, як на пасяджэннях ВК, так і па-за пасяджэннямі. Рашэнне па скарзе з яго абгрунтаваннем накіроўваецца па заяўленым у скарзе кантакце, вынік агучваецца ў адпаведнасці з п.15 Рэгламенту.
16.4. Калі ініцыятар скаргі незадаволены вынікамі разгляду скаргі, ён мае права ў тэрмін 24 гадзіны накіраваць у ВК паўторную скаргу з абгрунтаваннем нязгоды з вынікамі разгляду першапачатковай скаргі па працэдуры, аналагічнай апісанай у п.16.1. У гэтым выпадку ВК у тэрмін 72 гадзіны з моманту атрымання паўторнай скаргі арганізуе адкрытае пасяджэнне з адкрытым разглядам пазіцый бакоў з адкрытым інфармаваннем аб часе і форме пасяджэнне (спасылка на анлайн-мерапрыемства) ініцыятара скаргі. Дадзенае Пасяджэнне адбываецца анлайн, лімітавана па часе не больш за адну гадзіну, транслюецца ў прамым эфіры. Ініцыятар скаргі запрашаецца на дадзенае пасяджэнне па заяўленым кантакце, мае права і магчымасць абгрунтоўваць свае аргументы гучна і слушна. Адсутнасць ініцыятара скаргі на пасяджэнні з’яўляецца нагодай для закрыцця скаргі з захаваннем папярэдняга рашэння. ВК мае права запрашаць для разгляду паўторных скаргаў экспертаў са свайго боку. Па выніках дадзенага пасяджэння праводзіцца адкрытае галасаванне ў прамым эфіры. Вынікі дадзенага галасавання з’яўляюцца канчатковымі.
